常見問題
買 SIM 卡前經常問嘅問題都整理晒響度。如果仲有其他問題，可以 開 GitHub issue。
乜嘢係 MVNO？同主要電訊商有咩分別？
MVNO（流動虛擬網絡營運商）冇自己嘅無線網絡，而係向主要電訊商（例如 csl、3HK）租用網絡嚟提供服務。 常見 MVNO 包括 Your Mobile、ABC Mobile、Lucky SIM、More Mobile、HK Mobile 等。 好處係價錢通常平一截，壞處係高峰時段可能會被主網限速（depriortised）。 日常用（上網、whatsapp、睇 YouTube）完全冇問題。
本地 SIM 卡同跨境 SIM 卡有咩分別？
「本地」= 只喺香港用。「跨境」= 港+中國／澳門／台灣，部分網絡喺內地可以直接連，唔使翻牆上 Google、Facebook。 如果經常返大灣區、深圳、澳門，建議揀跨境／大灣區計劃；淨係喺香港用就揀本地計劃，平一截。
實體 SIM 卡 vs eSIM？
實體 SIM 卡：可以喺舖頭即買即插，換機方便，唔使打電話啟用。 eSIM：手機直接下載 profile，即買即用，唔使跑舖頭，但換機要重新 activate。 iPhone 15 美版同部分新 Android 已經只支援 eSIM。 鴨寮街大部分舖頭主要賣實體 SIM；eSIM 多數喺電訊商官網購買。
鴨寮街點樣買 SIM 卡最抵？
三個貼士： (1) 先查本站價錢有個心理價，避免畀人開天價； (2) 同一條街行兩三間舖格下價，同一款卡通常差 $5–20； (3) 留意卡要「開通」過才確保網絡開通；部分鴨寮街舖頭會幫你即場 activate。
5G vs 4.5G 真係差好多？
平均速度：5G 喺市區可以去到 300–800Mbps，4.5G 大概 50–200Mbps。 但影響日常使用（睇片、whatsapp、導航）其實唔大，5G 真正着數係大檔案下載 / 睇 4K 片。 預算緊就揀 4.5G（通常平 $30–50），想面向將來就揀 5G。
無限數據 plan 真係完全無限？
「無限數據」多數指冇 hard cap，但通常有「公平使用政策」（FUP）： 每日 / 每月用完一個額度（例如每日 8GB 或 10GB）之後，會降速（throttle）到 1–5Mbps。 Whatsapp、文字社交平台仍然用得，但睇 HD 片會有影響。
年卡 / 多年卡係咪一定最抵？
長遠計年卡通常平過月費，但要注意： (1) 啟用期限（例如要 2026-12-31 前啟用），遲過就作廢； (2) 用咁耐，中途電訊商可能加減數據 / 速度； (3) 冇計劃留港咁耐就唔抵。預算 / 年以上用量穩定先買年卡。
呢個網邊度嚟嘅資料？幾耐更新一次？
資料來自電訊商官網、鴨寮街實地考察，同社區資源（例如 roasterpig 博客）。 我哋大約每月更新，每條 plan 都有 priceObservedAt 日期標示。 價錢隨時變動，買之前一定要親身向舖頭 / 電訊商確認。